Rýmri heimsóknartímar á D-deild yfir hátíðirnar

Athugið að eftirfarandi heimsóknareglur munu alltaf þurfa að taka mið af stöðu faraldursins í samfélaginu og gætu því breyst með mjög stuttum fyrirvara.

Aðfangadag (24. des), jóladag (25. des), annan í jólum (26. des.), gamlársdag (31. des.) og nýársdag (1.jan.) verða heimsóknartímar lengri og tveir gestir mega koma í heimsókn þessa daga.

Heimsóknartímar þessa daga verða kl 13 - 17 og 19 – 21 með ákveðnum skilyrðum

• Bóka þarf tíma í heimsóknir í síma 422-0636.
• Tveir gestir hafa leyfi til að koma í heimsókn þessa daga.
• Við biðjum um að sömu tveir gestir mega koma þessa daga.
• Barn undir 18 ára sem kemur í heimsókn telst með sem annar af tveimur gestum.
• Allir gestir þurfa að setja á sig andlitsgrímu við komu og hafa grímuna á sér allan tímann meðan á heimsókn stendur. Óheimilt er að koma með taugrímu.
• Allir gestir þurfa að spritta hendur komu á deildina og áður en þeir fara út af deildinni.
• Gestir fari beint inn á herbergi sjúklinga, það er óheimilt að stoppa og spjalla á leiðinni. Ef sjúklingur er ekki inni á herbergi þá á að biðja starfsfólk að sækja hann, ekki gera það sjálf
• Virðið 2ja metra regluna og forðist snertingu við sjúklinga.
• Undanþága frá þessu er aðeins veitt við mikil veikindi sjúklinga og þá með leyfi frá vaktstjóra deildar.

Alla aðra daga verða heimsóknartímar frá 18 – 20 með ákveðnum skilyrðum

• Bóka þarf tíma í heimsóknir í síma 422-0636.
• Aðeins einn gestur má koma í heimsókn á dag í eina klst. í senn á tilgreindum heisóknartíma.
• Allir gestir þurfa að setja á sig andlitsgrímu við komu og hafa grímuna á sér allan tímann meðan á heimsókn stendur. Óheimilt er að koma með taugrímu.
• Allir gestir þurfa að spritta hendur komu á deildina og áður en þeir fara út af deildinni.
• Gestir fari beint inn á herbergi sjúklinga, það er óheimilt að stoppa og spjalla á leiðinni. Ef sjúklingur er ekki inni á herbergi þá á að biðja starfsfólk að sækja hann, ekki gera það sjálf
• Virðið 2ja metra regluna og forðist snertingu við sjúklinga.
• Undanþága frá þessu er aðeins veitt við mikil veikindi sjúklinga og þá með leyfi frá vaktstjóra deildar.

Athugið að gestir mega ekki koma í heimsókn ef þeir:

• eru í sóttkví eða einangrun.
• bíða eftir niðurstöðu úr sýnatöku.
• eru með flensulík einkenni (kvef, hósta, hita, höfuðverk, beinverki, þreytu, kviðverki, niðurgang o.fl.)