Helga Signý ráðin gæðastjóri

Helga Signý Hannesdóttir hjúkrunarfræðingur hefur verið ráðin gæðastjóri HSS.

Um er að ræða nýja stöðu á stofnuninni, sem heyrir beint undir forstjóra. Gæðastjóri HSS mun leiða gæðaþróun stofnunarinnar, skipuleggja fræðslu og kynningar, sinna samskiptum við aðrar stofnanir og fleira.

Staða gæðastjóra er í samræmi við stefnumótun HSS þar sem gæðamál eru í forgrunni.

Helga Signý útskrifaðist sem hjúkurnarfræðingur árið 2000 og hefur starfað á D-deild HSS frá árinu 2008, þar af sem aðstoðardeildarstjóri frá árinu 2013.

Hún hefur einnig starfað á Landspítala, Sjúkrahúsinu á Akureyri og Marselisborgarspítala í Árósum.

Helgu er óskað velfarnaðar í nýju starfi.