Athugið frá og með 1. febrúar n.k. breytist opnunartími í móttöku og afgreiðslu HSS sem hér segir:

Móttakan er opin alla virka daga frá kl. 07.30 – kl. 20.00
Móttakan er opin allar helgar og helgidaga frá kl. 10.00 - kl. 19.00

Tekið er á móti neyðartilfellum allan sólarhringinn. 

Öll starfsemi heilsugæslunnar og sjúkrahússins er óbreytt.  Vaktlæknir er í húsinu allan sólarhringinn.  Einnig verður vakthjúkrunarfræðingur í húsinu til kl. 21.30 alla virka daga.

Vinsamlegast hringið í 112 ef þið þurfið á læknisaðstoð að halda utan opnunartíma.

Ef um neyðartilfelli er að ræða og þið hafið ekki síma meðferðis má hringja á dyrabjöllu legudeildar/Ljósmæðravaktar við inngang elstu byggingar sjúkrahússins (A álmu).

Sigríður Snæbjörnsdóttir

Laus er til umsóknar staða yfirlæknis við heilsugæslu Heilbrigðisstofnunar Suðurnesja.  Heilsugæsla HSS sinnir þjónustu í einu fjölmennasta heilbrigðisumdæmi á landinu, um 23.000 manns.  Náið samstarf er milli heilsugæslu og sjúkrahúss. Undir heilsugæsluna heyrir m.a. slysa- og bráðavakt sem tekur við bráðatilvikum allan sólarhringinn.  Náið samstarf er við geð- og sálfélagslegt teymi sem starfar við HSS og við heimahjúkrun.  Yfirlæknir hefur mikil mannaforráð sem krefjast góðrar yfirsýnar og mikillar viðveru.  Auk heilsugæslulækna og barnalækna heyra læknaritarar og starfsfólk myndgreiningar undir yfirlækni.

Gerð er krafa um sérfræðiviðurkenningu í heimilislækningum. Mikilvægt er að viðkomandi hafi góða stjórnunarreynslu, skipulagshæfileika og eigi auðvelt með mannleg samskipti. 

Starfið er laust frá 1. apríl n.k. Laun eru samkvæmt kjarasamningi fjármálaráðherra og Læknafélags Íslands. Hægt er að aðstoða við að útvega húsnæði.

Umsóknarfrestur er til og með 20. febrúar 2012 og geta umsóknir gilt í 6 mánuði.

Umsóknir með upplýsingum um menntun, reynslu og fyrri störf sendist til Sigríðar Snæbjörnsdóttur forstjóra ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ) sem gefur nánari upplýsingar um starfið ásamt Sigurði Þór Sigurðarsyni framkvæmdastjóra lækninga ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ) .

Öllum umsóknum verður svarað.