Lausar stöður hjúkrunarfræðinga/nema í sumarafleysingar

Featured Lausar stöður hjúkrunarfræðinga/nema í sumarafleysingar

Heilbrigðisstofnun Suðurnesja óskar eftir að ráða hjúkrunarfræðinga og/eða hjúkrunarfræðinema í afleysingarstörf í sumar. Um er að ræða dag- eða vaktavinnu á sjúkradeild, slysa- og bráðamóttöku, hjúkrunarheimilinu í Víðihlíð í Grindavík, heimahjúkrun og heilsugæslunni í Grindavík.

Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi.

Helstu verkefni og ábyrgð

Um er að ræða fjölbreytt og krefjandi starf með skemmtilegu og metnaðarfullu starfsfólki. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

Hæfniskröfur

  • Hjúkrunarfræðingur með íslenskt hjúkrunarleyfi eða hjúkrunarfræðinemi sem hefur lokið þriggja ára námi í hjúkrunarfræði.
  • Faglegur metnaður.
  • Góð samskiptahæfni.
  • Sjálfstæði í vinnubrögðum.
  • Hlýtt og jákvætt viðmót.
  • Starfsreynsla er kostur.

Frekari upplýsingar um starfið

Starfsmenn í heimahjúkrun þurfa að hafa bílpróf og bifreið til umráða. Laun eru samkvæmt kjarasamningi fjármálaráðherra og hlutaðeigandi stéttarfélags. Sótt er um starfið rafrænt á hér á vefnum undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað.

Starfshlutföll 20 – 100%

Umsóknarfrestur er til og með 26. febrúar 2018

Nánari upplýsingar veitir

Ingibjörg Steindórsdóttir, framkvæmdarstjóri hjúkrunar í sími: 422-0500 og tölvupóstfang: ingibj@hss.is    

Síðast uppfært miðvikudagur, 31 janúar 2018 16:05