Ljósmæðravaktin á HSS Prentvæn útgáfa

Ljósmæðravaktin er á 2. hæð hússins og skiptist í mæðravernd og fæðingadeild.

Ljósmæðravaktin er ljósmæðrastýrð deild sem opin er allan sólahringinn, alla daga ársins.

Deildin þjónustar allar heilbrigðar fæðandi konur sem ekki eru í áhættumeðgöngu eða hafa fyrirsjáanleg vandamál í fæðingu.  Einnig þjónustum við konur með smávægileg vandamál tengd meðgöngu og eftir fæðingu ásamt  brjóstagjafaráðgjöf.

Eitt af markmiðum Ljómsæðravaktarinnar er að veita samfellda þjónustu, þ.e.a.s. að fólk geti valið sér sína ljósmóður sem fylgir fjölskyldunni að sem mestu leyti í gegnum allt fæðingarferlið, á meðgöngunni, hugsanlega í  fæðingunni og eftir fæðingu.

Yfirljósmóðir er Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Stefna Ljósmæðravaktarinnar

Deildin er þekkt fyrir heimilislegan blæ og erum við stolt af því.  Auk þess að vera með þrjú herbergi þá eru tvær mæðraverndarstofur, salerni og herbergi fyrir barnalæknisskoðun. 

 

Í fæðingareiningu eru fæðingarstofan, baðherbergi og fæðingarlaug.   Hún er notuð til verkjastillingar og sumar konur kjósa að fæða í henni.   Hægt er að loka fæðingareiningu þannig að ró og friður skapist fyrir verðandi foreldra á meðan á fæðingu stendur.

Einnig er á fæðingareiningunni tvö einbýli og eitt tvíbýli.

Boðið er upp á sængurlegu á deildinni fyri þær konur er þess þurfa en annars fara þær konur í heimaþjónustu innan 36 klst eftir eðlilega fæðingu.

Feður geta gist með konum sínum og er þá fjölskyldan saman með herbergi.
Á deildinni er lítil notaleg setustofa með sjónvarpi, ísskáp, samlokugrilli og blandara ef konur vilja sjálfar auka fæðuúrval sitt.

 Ljósmæður er sinna heimaþjónustu pdf - 25 Kb


Fæðingin:
Við leggjum mikla áherslu á að koma til móts við þarfir foreldra í fæðingunni og höfum til þess ýmis hjálpartæki og ráð.
Við hvetjum konur til að koma sínum óskum á framfæri varðandi fæðinguna. Einnig erum við með ýmsar úrlausnir til verkjastillingar í fæðingu s.s. baðið, nálastungur, nudd, verkjalyf og ilmkjarnaolíur.

 

 

Brjóstagjöf:
Við vinnum eftir 10 þrepum brjóstagjafar (WHO). Við styðjum sólarhringssamveru móður og barns.  Við hvetjum foreldra til að bjóða ekki barni sínu snuð fyrstu dagana eftir fæðingu þar sem rannsóknir sýna að snuðnotkun getur truflað sogferli barnsins á brjósti einnig svo barnið fái það litla magn af mjólk sem kemur fyrstu dagana.
Við hvetjum til brjóstagjafar án ábótagjafar.

 

Ljósmæðravaktin tekur, eins og stofnunin sjálf, þátt í kennslu nemenda á háskólastigi.  Deildin sinnir verklegri kennslu ljósmæðranema.

Hér má nálgast niðurstöður þjónustukönnunar (pdf - 107 Kb) sem gerð var meðal sængurkvenna á fæðingadeild HSS á tímabilinu okt. 2005- jan 2006.

Hægt er að senda inn fyrirspurnir til fæðingardeildarinnar á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.


Áhugaverðir vefir:

 
 
Ertu ánægð/ur með vef HSS?
 
Hversu oft heimsækir þú vef HSS?
 

Heilbrigðisstofnun Suðurnesja | Skólavegi 6, 230 Reykjanesbæ | Kt: 511297-2819 |·S: 422-0500 Fax:421-2400 | www.hss.is | hss@hss.is