Ljósaböð hætta á HSS Prentvæn útgáfa
Mánudagur, 22. maí 2017 09:40

Framkvæmdastjórn Heilbrigðisstofnunar Suðurnesja hefur ákveðið að leggja niður starfsemi ljósameðferðar í rými sjúkraþjálfunar á stofnuninni vegna þess að innan svæðisins eða í Bláa Lóninu - Lækningalind, er í boði betri meðferð sem er greidd af sjúkratryggingum.

Sjúklingar þurfa einungis að afhenda vottorð frá húðlækni til að fá þjónustu hjá Lækningalind Bláa lónsins.

Starfsemin á HSS verður út maímánuð. Ekki verður tekið á móti nýjum umsóknum.

 
Laus staða framkvæmdastjóra hjúkrunar Prentvæn útgáfa
Laugardagur, 20. maí 2017 00:59

Staða framkvæmdastjóra hjúkrunar við Heilbrigðisstofnun Suðurnesja (HSS) er laust til umsóknar. Starfshlutfall er 100%.
Staðan veitist frá 1. júlí 2017, eða eftir samkomulagi.

Á Heilbrigðisstofnun Suðurnesja eru þrjú svið; heilsugæslusvið, sjúkrasvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Íbúafjöldi upptökusvæðisins, sem er Reykjanesið, er um 24.000 íbúar. Velta HSS er um 3 milljarðar og starfsmenn tæplega 300 í tæplega 200 stöðugildum.
Samstarf er við háskóla og framhaldsskóla um menntun nema í heilbrigðisgreinum og vísindarannsóknum.

Helstu verkefni og ábyrgð
• Ber ábyrgð á að móta sýn og markmið hjúkrunar
• Fagleg forysta um hjúkrun og starfsþróun hjúkrunarfræðinga, ljósmæðra og sjúkraliða
• Yfirsýn og mótun skipulags fyrir heilsugæslu-, sjúkrahús- og hjúkrunarþjónustu á öllum starfstöðvum
• Ber einnig að efla faglega þróun allra annarra heilbrigðisstétta í samvinnu við aðra framkvæmdastjóra
• Samhæfing á sviði heilsueflingar, forvarna og hjúkrunarþjónustu.
• Stefnumótun, markmiðasetning og árangursmælingar
• Uppbygging og samnýting mannauðs og liðsheildar ásamt ábyrgð á starfsmannamálum
• Ábyrgð á áætlanagerð og rekstri.
• Efling á kennslu, endurmenntun og uppbygging sérhæfingar í hjúkrun
• Innleiðing nýjunga
• Framkvæmdastjóri hjúkrunar heyrir beint undir forstjóra og á sæti í framkvæmdastjórn

Menntunar og hæfniskröfur
• Íslenskt hjúkrunarleyfi
• Viðbótar- eða framhaldsmenntun sem nýtist í starfi er æskileg
• Frumkvæði og metnaður til að ná árangri í starfi
• Brennandi áhugi á þróun þjónustunnar
• Leiðtogahæfni og geta til að hvetja aðra til árangurs
• Farsæl stjórnunar- og rekstrarreynsla
• Hæfni í mannlegum samskiptum og miðlun upplýsinga í ræðu og riti
• Frumkvæði, áreiðanleiki, drifkraftur, þrautseigja og árangursmiðað viðhorf.
• Reynsla af umbótaverkefnum, teymisvinnu og breytingastjórnun í heilbrigðisþjónustu er æskileg

Frekari upplýsingar um starfið
Laun eru samkvæmt kjarasamningi fjármálaráðherra og hlutaðeigandi stéttarfélags.
Umsóknum skal skilað rafrænt á umsóknareyðublaði hér á vefnum undir „Laus störf".
Umsóknum skulu fylgja ítarlegar og staðfestar upplýsingar um nám, fyrri störf og reynslu af stjórnun og rekstri.
Stöðunefnd framkvæmdastjóra hjúkrunar, skv. 36. gr. laga um heilbrigðisþjónustu nr. 40/2007, metur hæfni umsækjenda.

Viðtöl verða höfð við umsækjendur og byggist ákvörðun um ráðningu á innsendum gögnum, umsögn stöðunefndar, viðtölum og umsögnum.

Öllum umsóknum verður svarað þegar ákvörðun um ráðningu hefur verið tekin.
Við ráðningar í störf er tekið mið af jafnréttisstefnu HSS.
Umsóknarfrestur er til og með 12. júní 2017.

Nánari upplýsingar
Allar nánari upplýsingar um starfið veitir Halldór Jónsson, forstjóri, netfang: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  eða í síma 422 0500.

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>

Ertu ánægð/ur með vef HSS?
 
Hversu oft heimsækir þú vef HSS?
 

Heilbrigðisstofnun Suðurnesja | Skólavegi 6, 230 Reykjanesbæ | Kt: 511297-2819 |·S: 422-0500 Fax:421-2400 | www.hss.is | hss@hss.is