Ingibjörg ráðin framkvæmdastjóri hjúkrunar við HSS Prentvæn útgáfa
Fimmtudagur, 13. júlí 2017 13:40

hss-loftmyndIngibjörg Salóme Steindórsdóttir hefur verið skipuð í stöðu framkvæmdastjóra hjúkrunar við Heilbrigðisstofnun Suðurnesja frá og með 15. ágúst 2017.

Ingibjörg Salóme Steindórsdóttir er fædd árið 1968.  Hún lauk B.S. námi í hjúkrunarfræði frá HÍ árið 1998 og MBA námi við viðskiptafræðideild HÍ árið 2009 með áherslu á stjórnun mannauðs og verkefna. Ingibjörg starfaði sem hjúkrunarfræðingur við LSH eftir útskrift en tók árið 1999 við starfi hjúkrunarfræðings hjá HSS og svo deildarstjórastöðu við sömu stofnun til 2008. Á árunum 2009-2014 var hún yfirhjúkrunarfræðingur á heilsugæslu HSS. Frá 2015 hefur Ingibjörg verið verkefnastjóri við HSS þar sem hún hefur m.a. útbúið ýmsa verkferla og viðbragðsáætlanir ásamt því að þróa þverfaglegt starf innan heilsugæslu með áherslu á teymisvinnu hjúkrunarfræðinga og lækna. Þá hefur Ingibjörg setið í öryggisnefnd HSS þar sem hún útbýr áætlun um öryggi og heilbrigði starfsmanna. 

Ingibjörg sat í stjórn Samvinnu, starfsendurhæfingu á Suðurnesjum 2013-2014 og var áheyrnarfulltrúi í Almannavarnarnefnd Suðurnesja 2012-2014. Hún bar ábyrgð á Viðbragðsáætlun HSS 2010-2014 og er starfandi gjaldkeri í stjórn Fagdeildar heilsugæsluhjúkrunar, frá árinu 2015.

Ingibjörg hefur afar góðan bakgrunn á sviði menntunar og starfsreynslu fyrir starfið.  Ingibjörg hefur framúrskarandi sýn á hvernig móta má skipulag hjúkrunar hjá heilbrigðisstofnun með þríþætt hlutverk á sviði heilsugæslu, sjúkrahús- og hjúkrunarrýmaþjónustu. Hún hefur skýra sýn á árangursríkar leiðir í rekstri og stjórnun. Jafnframt hefur hún skarpa sýn á faglegt forystuhlutverk framkvæmdastjóra hjúkrunar og tækifæri til áframhaldandi uppbyggingar heilbrigðisþjónustu hjá Heilbrigðisstofnun Suðurnesja með hagsmuni þjónustuþega að leiðarljósi.

 
Góðar gjafir frá Vinarvoðum Prentvæn útgáfa
Laugardagur, 08. júlí 2017 10:05

Heimahjukrun-gjafir

Þessar flottu konur komu færandi hendi á HSS um daginn og færðu heimahjúkrunardeildinni átta heimagerð bænasjöl, hekluð eða prjónuð og pökkuð inn í fallegar gjafaöskjur. Um er að ræða félagsskap í Ytri-Njarðvíkurkirkju sem kallar sig Vinavoðir og hefur gefið sjöl víða um samfélagið í Reykjanesbæ undanfarið, meðal annars á dagdvölinni og Selinu.

Þetta er sannarlega fallegt framtak og kann starfsfólk heimahjúkrunar HSS Vinarvoðum miklar og góðar þakkir fyrir.

Fyrir áhugasama þá hittast Vinavoðir á miðvikudögum frá 11:00 til 14:00.

 
<< Fyrsta < Fyrri 1 2 3 4 5 6 7 8 9 10 Næsta > Síðasta >>

Ertu ánægð/ur með vef HSS?
 
Hversu oft heimsækir þú vef HSS?
 

Heilbrigðisstofnun Suðurnesja | Skólavegi 6, 230 Reykjanesbæ | Kt: 511297-2819 |·S: 422-0500 Fax:421-2400 | www.hss.is | hss@hss.is