Hjúkrunarfræðingar óskast til starfa á HSS Prentvæn útgáfa
Fimmtudagur, 06. janúar 2011 14:44

Heilbrigðisstofnun Suðurnesja (HSS) leitar að hjúkrunarfræðingum. Æskilegt er að viðkomandi hafi  reynslu í öldrunarhjúkrun og hjúkrun á hand- og lyflækningasjúklingum.  Um er að ræða áhugaverð og krefjandi störf. Unnið er á þrískiptum vöktum. Við aðstoðum við að útvega húsnæði á staðnum ef þess er óskað.

Nánari upplýsingar veitir Þórunn Benediktsdóttir á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 422-0625.

Nánar...
 
Sérfræðingur í meltingarlækningum hefur störf á HSS Prentvæn útgáfa
Fimmtudagur, 23. desember 2010 13:48

Steingerður Anna Gunnarsdóttir hefur verið ráðin í 60% stöðu meltingarsérfræðings á Heilbrigðisstofnun Suðurnesja. 

Steingerður útskrifaðist frá Læknadeild Háskóla Íslands 1996 og fékk almennt lækningaleyfi árið 1997.  Hún vann á lyflækningadeild og svæfingadeild LSH þar til hún fór út í sérnám árið 2000 á Sahlgrenska sjúkrahúsinu í Gautaborg í Svíþjóð.  Steingerður var í 3 ár í sérnámi í lyflæknisfræði og 3 ár í meltingarlæknisfræði og starfaði í 1 ár sem sérfræðingur í meltingarlækningum á Sahlgrenska sjúkrahúsinu.  Samhliða sérnáminu vann hún í doktorsverkefni og varði doktorsritgerð við Háskólann í Gautaborg 2008. 

Hefur starfað á Íslandi í fjögur ár, frá 2007 í Læknasetrinu með stofu og gerir þar meltingarfæraspeglanir og hefur einnig starfað í hlutastarfi sem sérfræðingur á bráðamóttöku LSH í Fossvogi.

Steingerður verður með sérfræðingsmóttöku í meltingarlækningum á HSS á föstudögum og á fimmtudögum verður hún með meltingarfæraspeglanir á HSS.  Þeir sem hafa áhuga á að fá tíma hjá henni geta pantað tíma í síma 422-0500.

Við bjóðum Steingerði velkomna til starfa á HSS.

 
<< Fyrsta < Fyrri 161 162 163 164 165 166 Næsta > Síðasta >>

Ertu ánægð/ur með vef HSS?
 
Hversu oft heimsækir þú vef HSS?
 

Heilbrigðisstofnun Suðurnesja | Skólavegi 6, 230 Reykjanesbæ | Kt: 511297-2819 |·S: 422-0500 Fax:421-2400 | www.hss.is | hss@hss.is