Tölvudeild Heilbrigðisstofnunar Suðurnesja er staðsett á 4. hæð í aðalbyggingu.

Forstöðumaður tölvudeildar er Agnar Guðmundsson.  Starfsmaður í tölvudeild er Guðrún S. Jóhannesdóttir, sérfræðingur í upplýsingatækni.

Tilgangur deildarinnar er að annast allan rekstur og viðhald á tölvukerfi HSS. Þessu til viðbótar stýrir tölvudeildin upplýsingatæknimálum stofnunarinnar og ber ábyrgð á vefsíðu og innranetskerfi HSS. 

Tölvudeildin sér um öll samskipti við notendur, sér um innviði tölvukerfisins og ber ábyrgð á að allir miðlarar og hugbúnaður séu í viðunandi ásigkomulagi.  Tölvukerfið er hefðbundið með netþjónum og útstöðvum.  Netþjónarnir eru í afar öruggu kældu umhverfi og mikil áhersla lögð á öryggismál og almennt tölvuöryggi í notkun útstöðva.

Starfsmaður tölvudeildar sér um úrvinnslu ganga og heilbrigðisupplýsingar, hefur umsjón með rafrænni sjúkraskrá og samþættingu skráningar.  Þá hefur starfsmaður tölvudeildar einnig umsjón með ársskýrslu stofnunarinnar.