Hjá Heilbrigðisstofnun Suðurnesja eru rekin tvö eldhús. Annað er staðsett á sjúkrahúsi/heilsugæslu í Reykjanesbæ og hitt á hjúkrunardeildinni Víðihlíð í Grindavík. Á báðum stöðum er framleiddur matur fyrir sjúklinga, heimilismenn, aðstandendur og starfsfólk.

Yfirmaður eldhúss í Reykjanesbæ er Sigríður Magnúsdóttir
Yfirmaður eldhúss í Grindavík er Guðbjörg Lilja Guðmundsdóttir
 
Matsalur í Keflavík er opinn frá kl. 8:00 - 16:00. Þar er hægt að kaupa brauðmeti, mjólkurvörur, ávexti og bollasúpur.
 
Afgreiðslutími máltíða:
Morgunverður      8.30 - 10:00
Hádegisverður     11.30 - 13.15
Kaffi                   14.30 - 15.30

Kvöldverð getur starfsfólk pantað og fengið sent á deildir.
 
Aðstandendum og gestum stendur til boða að kaupa mat í matsal starfsfólks, eftir sérstakri gjaldskrá.

Eldhús HSS í Keflavík afgreiðir um 180 máltíðir hvern virkan dag, morgunverð, hádegisverð, síðdegiskaffi, kvöldverð og kvöldkaffi. Almennt fæði  til sjúklinga er um 80% og sérfæði og fæði með breyttri áferð um 20%.
 
Markmið eldhúss HSS er að verða við væntingum, þörfum  og óskum sjúklinga, aðstandenda og starfsfólks með tilliti til kostnaðar, næringar, gæða og öryggis fæðunnar.
 
Að störfum við eldhús og býtibúr HSS eru 12,18 stöðugildi. Þar á meðal er matreiðslumaður með rekstrarþekkingu,  matreiðslumeistari og ófaglært starfsfólk.  Þá er og næringarfræðingur starfandi við stofnunina.

Eldhúsið í Víðihlíð sér um matseld fyrir þá 25 heimilismenn sem þar dvelja auk starfsfólks.