Starfsemi sjúkraþjálfunar hófst á HSS með reglubundnum hætti árið 1998 og hefur hún að mestu sinnt sjúkrahússviði HSS, þ.e. A og D deildum auk fæðingardeildar og Víðihlíðar í Grindavík.  Einnig hafa sjúkraþjálfarar sinnt göngudeildarþjónustu gegn framvísun beiðni um þjálfun frá lækni.  Starfsemi fer fram alla virka daga frá klukkan 8:00-16:00. Sjúkraþjálfun er í nýrri og glæsilegri aðstöðu í D-álmu sem samanstendur af tækjasal, meðferðarherbergi, þjálfunarlaug og skrifstofu. Í dag eru starfandi 2 sjúkraþjálfarar hjá HSS.

Yfirsjúkraþjálfari: Sara Guðmundsdóttir
Sjúkraþjálfari: Sonja Middelink

Markmið sjúkraþjálfunar á HSS:

• Að veita skjólstæðingum sjúkraþjálfunar viðeigandi þjálfun, fræðslu og ráðgjöf með það að markmiði að auka eða viðhalda líkamlegri, andlegri og félagslegri getu þeirra á meðan legu þeirra stendur yfir.
• Að auka eða viðhalda færni og hreyfigetu skjólstæðinga okkar og auðvelda þeim að takast á við hið daglega líf er sjúkrahúsvist lýkur.
• Veita starfsmönnum HSS fræðslu og ráðgjöf hvað varðar vinnuvistfræði.

Leiðir að markmiðum

Einstaklingsþjálfun:

• skoðun og prófanir
• færnisþjálfun
• styrktarþjálfun
• úthaldsþjálfun
• vatnsþjálfun
• hin ýmsu önnur meðferðarúrræði ss.
• fræðsla og ráðgjöf.
• nudd, teygjur, liðlosun, tog, laser, bylgjumeðferð, rafmagnsmeðferð, heitir og kaldir bakstar.
• hjálpa við val á hjálpartækjum og kenna notkun þeirra.

Hópþjálfun:

• Fyrirhuguð er ýmis hópþjálfun í sal og laug.

Áhugaverðar síður: 

Félag íslenskra sjúkraþjálfara
Námsbraut í sjúkraþjálfun við Háskóla Íslands
Tryggingastofnun Ríkisins