Markmið D-deildar er að búa sjúklingum góða aðstöðu til að ná bata eða þiggja góða líknandi meðferð.

Starfshættir deildarinnar byggjast á fagmennsku, umburðarlyndi, umhyggju og virðingu fyrir skjólstæðingum og fjölskyldum þeirra.

Með þverfaglegri teymisvinnu og einstaklingshæfðri hjúkrun er markviss mætt þörfum sem flestra sjúklingahópa með ólík vandamál og ætíð stefnt að hámarksárangri.

Stefnt er að því að deildin sé á öllum tímum eftirsóttur vinnustaður fyrir metnaðarfulla einstaklinga með menntun, reynslu og hæfni til að takast á við áhugaverð og krefjandi verkefni. Þar starfi eingöngu traust fólk sem sinni starfi sínu af heilindum og trúmennsku.

Til að tryggja þetta er móttaka nýrra starfsmanna skipulögð og markviss.  Áhersla er lögð á vellíðan og árangur starfsfólks með markvissri fræðslu, starfmannasamtölum og starfsmannafundum.

Þverfagleg teymisvinna er grunnurinn að góðum árangri