Móttakan er opin einu sinni í viku, mánudaga kl 12.30 -  16.00. Læknir, hjúkrunarfræðingur og meinatæknir hitta skjólstæðinginn á 3. - 6 mánaða fresti og næringarráðgjafi eftir þörfum.  Tímapantanir eru í síma 422 0500 kl 8.00 - 16.00.

Markmið sykursýkismóttökunnar er að stuðla að auknum lífsgæðum hjá sykursjúkum og koma í veg fyrir alvarlega fylgikvilla. Það er gert með reglulegu eftirliti, fræðslu og meðferð. 

Meðferð sykursýki er að miklu leyti í höndum hins sykursjúka sjálfs, þ.e. heilbrigðum lífsstíl s.s. mataræði og hreyfingu, mælingum á blóðsykurgildum og réttri lyfjanotkun. Reglulegt eftirlit er mikilvægt þar sem sjúkdómurinn breytist oft með tímanum og áherslur í meðferð þar með.